Friday, October 10, 2014

සිහිනය





වැරදුනා ඉලක්කය දෙවරක්ම
සැගෙව්වා තුවක්කුව පොළව යට
පැලවෙන්න දළු දමා ඵල බරව

සිටියේය සිහිනයක ඉන් පසුව
නෙලන්නට  ගල් කටස් පිස්තෝල
තබන්නට එක පෙලට වෙඩි උණ්ඩ

වීදි වල උන් එවුන් හැංගිලා
කඩ වීදි භීතියෙන් ඇලලිලා
ගෙවල් වල  ඉටිපහන් ගොස් නිවී

වල් වැදී සරු කෙතම වැනසිලා
දිය කඩිති සිඳී ගොස් වියලිලා
සතර දිග විනාශව ඉරිතලා
අත වැනුව සා ගින්න මරබියෙන්

ගත වුනත් කාලයක් ඉන් පසුව
දැමුවත් සරු පොහොර නිරතුරුව
තෙත් කලත් මහ පොලව අනතුරුව
මතු නොවින කිසි දිනෙක අංකුරය

හෑරුවා යලි  පොලව වෙෙරයෙන් 
ගොඩ ගන්න තුවක්කුව ඒ වලෙන්
මල බැඳී විනාශව පස් ගොඩෙන්
මතු උනා අවශේෂ කුණු වලෙන්

- ජානක ගුණතිලක

1 comment:

  1. ප්‍රිය ඇඩ්මින් වෙත,

    ඔබේ බ්ලොග් අඩවියත් විකසිත සින්ඩියට එක්කර ගන්න. (Blog Syndicator)
    Blogger සහ WordPress බ්ලොග් අඩවි සදහා එම අඩවියේ URL එක සහ බ්ලොග් එකෙහි නම ලබාදුන් සැනින් ස්වයංක්‍රියව සින්ඩිය හා ඇමුණුම සිදුවේ.
    බ්ලොග් නොවන නමුත් Feeds සක්‍රිය වෙබ් අඩවි වුවද සින්ඩිය හා ඇමිණිය හැකිය.
    විකසිත සින්ඩිය :- http://syndi.wikasitha.com/

    මිට හිතාදර
    ඇඩ්මින් - විකසිත සින්ඩිය. (info@vweb.lk)

    ReplyDelete